Një debat i nisur nga foltorja e Kuvendit mes Erion Braçes dhe Sali Berishës vijoi edhe pranë vendeve të deputetëve në sallë.
Pas shkëmbimeve në distancë, Braçe iu afrua vendit ku ndodhej Berisha, i cili po përpiqej t’i tregonte diçka në tabletin e tij. Mes tyre pati një diskutim disa minutësh, ndërsa nga reagimet e deputetit socialist kuptohej kundërshtimi i tij ndaj asaj që po i shfaqej.
Gjatë bisedës, Braçe i dorëzoi disa dokumente Berishës, duke i treguar se materialet ndodheshin aty. Nga ana tjetër, kreu i PD-së vijoi t’i tregonte herë tabletin dhe herë telefonin celular, por Braçe mbajti të njëjtin qëndrim dhe më pas u largua drejt vendit të tij në sallën e Kuvendit.
