Tensionet në Kuvend, Gazment Bardhi dhe Fidel Kreka përjashtohen për 10 ditë nga seancat

Deputetët e PD-së, Gazmet Bardhi dhe Fidel Kreka, përjashtohen për 10 ditë nga seancat, pas tensioneve ditën e djeshme në Kuvend.

Me kërkesë të PS, Sekretariati i Etikës ka vendosur përjashtimin për 10 ditë nga seancat plenare për dy deputetët demokratë, që ishin protagonistët e kaosit, në seancën që zgjati vetëm 25 minuta dhe ku u votua programi i qeverisës dhe ministrat e kabinetit “Rama 4”.