Ndërkohë që Kuvendi i Shqipërisë zhvillon punimet në seancën e radhës plenare, jashtë ambienteve të tij situata paraqitet e ndezur. Protesta qytetare, e cila ditët e fundit ishte përqendruar në marshime përgjatë rrugëve të kryeqytetit dhe tubime në mbrëmje para Kryeministrisë, tashmë është zhvendosur përpara selisë së Parlamentit.
Për të garantuar mbarëvajtjen e seancës dhe sigurinë e tempullit ligjvënës, Policia e Shtetit ka ndërmarrë masa të rrepta sigurie. Një kordon i dendur policor ka rrethuar godinën, duke krijuar një perimetër sigurie mes protestuesve të grumbulluar dhe hyrjes së Parlamentit. Prania e shtuar e forcave të rendit synon të parandalojë çdo incident dhe të garantojë që punimet e deputetëve të vijojnë normalisht, pavarësisht tensioneve jashtë.
AV/ KJ
