Nisin përplasjet te Ministria e Arsimit, policia largon protestuesit me gaz lotsjellës dhe ujë me presion

Kanë nisur përplaset te Ministria e Arsimit, kur protestuesit nisën hedhjen e gurëve në drejtim të oficerëve dhe institucionit.

Policia u është përgjigjur me ujë me presion dhe gaz lotsjellës.

Tubuesit janë larguar drejt sheshit Skënderbej.

Efektivët e policisë janë pozicionuar përpara godinës së Ministrisë së Arsimit, ndërsa përdorimi i ujit dhe gazit lotsjellës shënon një tjetër moment tensioni pas tri ditësh protestash të shoqëruara me incidente të dhunshme në kryeqytet.