Thirrjet ”Berisha në burg”, kreu i PD: Janë opozitë e opozitës, duan të ndihmojnë Ramën

Refereni i protestës qytetare është ”Rama jepe dorëheqjen, Berisha në burg”. Kreu i PD-së reagoi pas thirrjeve në sheshe dhe rrugë nga protestuesit, për burgosjen e tij dhe të kryeministrit Edi Rama.

Gjatë bashkëbisedimit me ndjekësit në rrjetet sociale, Berisha tha se ata që thërrasin për burgosjen e tij, janë opozitë e opozitës. ”Këta që thërrasin janë opozitë e opozitës. Kjo ndihmon Ramën sepse krahason të pakrahasueshmen, por kjo nuk më ka penguar kurrë që të mbështes me të gjitha potencialet protestën”,-tha Berisha.

Ai u bëri thirrje mbështetësve të Partisë Demokratike nga e gjithë Shqipëria që të marrin pjesë në protestë. “Edhe sot shfrytëzoj rastin të bëj thirrje anëtarëve dhe mbështetësve të Partisë Demokratike nga Pogoni, Kakavija, në Vermosh dhe në Valbonë, të vërshojnë drejt Tiranës në protestën më madhështore të kombit. Qytetare, rinore, jo partiake”, u shpreh Berisha.