Tito i premtoi Enver Hoxhës se do t’i jepte Kosovën?!

Kështu shkruan portali serb, telegraf.rs.

“Është pak e njohur se Josip Broz Tito në intervistat për gazetarët e huaj në vitet 1945/46, ka folur hapur se Kosova, si dhe pjesë të tjera me shumicë shqiptare, do t’i bashkohen Shqipërisë”, shkruan ky portal, transmeton Indeksonline.

Tito, kur u pyet për Kosovën, kishte thënë për Asociated Press: “Në rast se komunistët vijnë në pushtet në Shqipëri, ajo (Kosova) mund të jetë nën ingerencat e Tiranës.

“Shefi i shtetit shqiptar, Enver Hoxha gjithmonë ka thënë se marshall Tito nga fundi i vitit 1946 personalisht i ka premtuar se Kosova do të jetë në kuadër të Shqipërisë, ashtu si edhe rajonet e tjera ku shqiptarët janë shumicë, pasi i ka dashur ata. Megjithatë, këto deklarata nuk janë transmetuar në publik, pasi marrëdhëniet e Tiranës dhe Beogradit gjithmonë kanë qenë të tensionuara”, shkruan më tutje portali serb.

Dora e djathtë e Titos, Edvard Kardeli, sipas disa teorive konspirative, me rastin e vizitës së tij në Moskë dhe në ish-BRSS, i kishte thënë Stalinit që Kosova do t’i ‘jepet’ Shqipërisë.

Megjithatë, nuk dihet se sa të vërteta ka në këto raportime.