Tragjedia në Domë të Shkodrës, Presidenti Begaj: Thellësisht i pikëlluar, u prehshin në paqe

Presidenti Bajram Begaj është shprehur thellësisht i pikëlluar për tragjedinë e ndodhur në Domë të Shkodrës, ku humbën jetën një nënë e re dhe dy fëmijët e saj.

Kreu i shtetit u ka shprehur ngushëllime familjarëve dhe të afërmeve të viktimave.

“Jam thellësisht i pikëlluar nga tragjedia në fshatin Domë të Shkodrës, ku humbën jetën një nënë e re dhe dy fëmijët e saj. Ngushëllimet e mia më të sinqerta shkojnë për familjarët dhe të afërmit e viktimave. Mendimet e mia janë me ta në këtë dhimbje të madhe. U prehshin në paqe!”, tha Begaj.