Turizmi 2015, Popa: Pozitiv, por ka dhe probleme

Turizmi ka shënuar një ecuri pozitive gjatë këtij viti dhe shifrat flasin për një rritje 16 për qind të numrit të vizitorëve për 9 mujor.

Por pavarësisht kësaj, ministria e Zhvillimit Ekonomik dhe Turizmit vlerëson se ashtu sikurse ka pasur faktorë që kanë ndikuar pozitivisht, ka pasur edhe aspekte të tjera që kanë frenuar këtë rritje.

Drejtoresha e Zhvillimit të Turizmit në këtë ministri, Sonia Popa, në një dalje publike televizive shprehet se mungesa e energjisë apo pastërtia janë dy aspekte ku duhet të vihet fokusi në vijim pasi gjatë këtij viti kanë shfaqur problem.

Popa thekson se tashmë fokus i ministrisë do të jenë miratimi i akteve nënligjore që lidhen me ligjin “Për turizmi” që hyri në fuqi në tetor, standartizimi i guidave turistike që tashmë është në proces si dhe klasifikimi i strukturave akomoduese duke vendosur një herë e mirë standardin e yjeve.