Vajza misterioze që kërkonte Justin Bieber i kthen përgjigje këngëtarit

Personi që pretendon të jetë 'Cindy' postoi në Instagram të martën në darkë se ishte e tronditur nga vëmendja që mori pas publikimit të fotos së saj nga këngëtari. Vajza misterioze e Justin Bieber ka shkruar ditën e martë në mediat sociale pas një kërkimi nga të gjithë fansat e tij për të zbuluar identitetin e saj. Kanadezi kërkoi të dinte identitetin e saj pasi kishte parë një foto të vajzës që ka një ngjashmëri të madhe me modelen Irina Shayk, dhe u kërkoi ndihmë fansave të tij. Ai shkruajti tek fotografia e saj: “O Zot kush është kjo?” dhe menjëherë vërshuan mesazhet që përpiqeshin të identifikonin vajzën. Fansat i shkruan në Twitter se me shumë mundësi është një vajzë e quajtur Cindy Kimberly, e cila e ka zakon të postojë selfie në Instagramin e saj. Sipas revistes Anabel, kishte shumë pak të dhëna të tjera për vajzën e cila u dha fund spekulimeve kur një ditë më pas, shkruajti në llogarinë e saj nën emrin 'Wolfiecindy' ku deklaroi se ishte e shokuar nga polemikat për të gjetur identitetin e saj. Ajo shkruajti: “Nuk di si të merrem me këtë gjë, por unë kam vetëm llogari në Instagram dhe Tumblr kështuqë çdo gjë që njerëzit kanë gjetur është e rremë (unë kam pasur një llogari në Twitter, por e kam çaktivizuar).' Me sa besohet, e njëjta vajzë është edhe në Tumblr me emrin “wolfiecindy”, ku ka deklaruar se është 17 vjeçe. Është e dukshme që ajo është një fanse e Justin pasi më pare ka postuar video nga këngët e tij. Cindy duket se ka shumë ndjekësa në Instagram dhe Tumblr.