VIDEO/ Bardhi akuzon Ramën: Vota politike po përdoret për të mbrojtur Ballukun

Kreu i grupit parlamentar të PD-së, Gazment Bardhi, ka akuzuar kryeministrin Edi Rama se ka përdorur votën e mazhorancës në Kuvend për të penguar arrestimin e ministres Belinda Balluku, e cila është nën hetim nga SPAK. “Ky është standardi i qeverisjes së tij kur përballet me Drejtësinë: pushteti politik përdoret për të mbrojtur pushtetarët”, deklaroi Bardhi. Ai theksoi se drejtësia nuk duhet të jetë selektive dhe se përgjegjësia para ligjit duhet të jetë e njëjtë për të gjithë, pavarësisht postit dhe pushtetit.

Postimi i plotë

Edi Rama është i vetmi Kryeministër në vend që, përmes votës politike në Kuvend, ka penguar arrestimin e një zyrtareje të lartë publike të akuzuar nga SPAK, Belinda Ballukut.

Ky është standardi i qeverisjes së tij kur përballet me Drejtësinë: pushteti politik përdoret për të mbrojtur pushtetarët.

Drejtësia nuk mund të jetë selektive dhe vota politike nuk duhet të shërbejë si mburojë për askënd.

Në një shtet të së drejtës, përgjegjësia duhet të jetë e njëjtë për të gjithë, pavarësisht postit dhe pushtetit.