Sekretari i Përgjithshëm i Partisë Demokratike, Flamur Noka, ka bërë një deklaratë të fortë gjatë debatit me gazetarin Nikoll Lesi në ”KOHA JONE-DEBAT”, teksa foli për ndikimin e pretenduar të Ergy Agasit në vendimmarrjen e qeverisë. I pyetur nga Lesi për deklaratën se Ergy Agasi ka shkarkuar 4 ministra, Noka e konfirmoi pretendimin. Ai përmendi emrat e ministrave të Brendshëm që janë shkarkuar nga posti për shkak të ndërhyrjes së Agasit.
Pjesë nga debati
Lesi: Ju thatë se Ergys Agasi, mos gabohem në qoftë se jam i saktë më korrigjo, ka shkarkuar katër ministra.
Noka: Po është e vërtetë. Katër ministra.
Lesi: Ky është një numër që të kujtua katër, mund të thonit pesë, apo me tepër.
Noka: Është 100% e vërtetë.
Lesi: A mund t’i thuash emrat?
Noka: Po.
Lesi: Një.
Noka: Bled Çuçi, është shkarkuar nga ministri i Brendshëm nga Gys Agasi. Taulant Balla është shkarkuar nga ministri i Brendshëm nga Gys Agasi.
Ervin Hoxha është shkarkuar nga ministri i Brendshëm nga Ergy Agasi. Besfort Lamallari u shkarkua nga ministri i Brendshëm për arsye se nuk dinte që Skënder Hita drejtori i policisë, do ta arrestonte Gysin.