VIDEO/ Ministri Nufi: Situata e zjarrit në Delvinë dhe Finiq vihet nën kontroll

Ministri i Mbrojtjes, Ermal Nufi ka reaguar lidhur me operacionin për përballimin e zjarreve në territorin e bashkive Delvinë dhe Finiq, duke vlerësuar punën e Forcave të Armatosura, pilotëve të Forcave Ajrore dhe të gjitha strukturave të angazhuara në terren. Sipas ministrit, ndërhyrja e njëkohshme e tre helikopterëve dhe angazhimi i efektivëve në izolimin dhe shuarjen e flakëve kanë ndikuar në vënien nën kontroll të situatës.

Postimi i plotë

Punë e jashtëzakonshme e pilotëve të Forcave Ajrore me ndërhyrjen e 3 helikopterëve njëkohësisht dhe të gjithë efektivëve të angazhuar në izolimin dhe shuarjen e zjarrit në territorin e bashkive Delvinë dhe Finiq.

Në koordinimin e Agjencisë Kombëtare të Mbrojtjes Civile dhe punës së palodhur të Forcave të Armatosura, si dhe bashkërendimit të strukturave vendore dhe qendrore, situata është vënë nën kontroll.

Çdo ndërhyrje, çdo fluturim, çdo minutë ka një mision: të mbrojmë jetën, banesat dhe natyrën.

Mirënjohje dhe respekt për çdo efektiv, pilot, zjarrfikës dhe pjesëtar të Forcave të Armatosura që, me profesionalizëm, guxim dhe përkushtim, ishin dhe vazhdojnë të jenë në vijën e parë të këtij operacioni.