VIDEO/ Strofka Camping, Rama: Destinacioni malor që po tërheq gjithnjë e më shumë vizitorë

Kryeministri Edi Rama ka promovuar Strofka Camping në Strelcë të Maliqit, duke e cilësuar si një destinacion unik malor, të vendosur në zemër të natyrës, ku qetësia, ajri i pastër dhe pamjet mahnitëse krijojnë një përvojë të paharrueshme për çdo vizitor.

Përmes një postimi në rrjetet sociale, Rama fton qytetarët dhe turistët të vizitojnë këtë destinacion, ku përveç peizazheve natyrore, mund të shijojnë gatimet autentike shqiptare, aventurat me kuaj, udhëtimet off-road drejt Liqeneve të Valamarës, si edhe netët e qeta nën yjet e malit.

”Strofka Camping, në Strelcë të Maliqit, është një destinacion unik malor, i vendosur në zemër të natyrës, ku qetësia, ajri i pastër dhe pamjet mahnitëse krijojnë një përvojë të paharrueshme për çdo vizitor. Strofka ju fton të shijoni gatimet autentike shqiptare, aventurat me kuaj, udhëtimet off-road drejt Liqeneve të Valamarës dhe netët e qeta nën yjet e malit”,-shkruan Rama.