VIDEO/ ”Të doli boja keq”, pjesë nga sherri mes Shehajt dhe Ramës në Kuvend: Dil në zgjedhje!

Debate të forta u zhvilluan në seancën plenare këtë të enjte në Kuvend mes kreut të Partisë Mundësia, Agron Shehaj, dhe kryeministrit Edi Rama. Gjatë fjalës së tij, Shehaj i kërkoi kryeministrit të japë dorëheqjen, duke e akuzuar për përfshirje në afera korruptive. Deputeti i tha se qeveria ka humbur besueshmërinë dhe se përgjegjësit për abuzimet me fondet duhet të mbajnë përgjegjësi para drejtësisë. Ai përmendi ish-zv/kryeministren Belinda Balluku, duke ngritur akuza për keqmenaxhim dhe korrupsion.

Pjesë nga debati

Shehaj: Të doli boja keq! Të doli boja keq! Të doli boja! U pasurove në kurriz të qytetarëve! Vodhe popullin më të varfër në Europë! S’ke argument tjetër! Je qesharak! Je banal dhe qesharak! Lëre Partinë Socialiste, fol për ça ke vjedhur! Lëre Partinë Socialiste, fol për Belindën dhe hajde në zgjedhje! Pse s’del në zgjedhje? Pse ke frikë? Pse ke frikë? Pse ke frikë? Pse ke frikë nga zgjedhjet? Në gjithë botën kërkojnë dorëheqjen tënde! I ke parë shqiptarët? I ke parë sa të vendosur janë? Ore të duan në burg! Të duan në burg! E Kishe menduar ndonjëherë që mund të përfundoje në burg? E mendoje ndonjëherë që do të të nxirrnin para drejtësisë? E kishe menduar ndonjëherë? Jo! Se po ta kishe menduar s’do kishe bërë atë që bëre!

Rama: Do jem deri në 2027 këtu!

Shehaj: S’do vesh ti? Je i paprekshëm ti? Po për çfarë ke vjedhur? Pse Belinda i ka vjedhur ato para vetëm? Ti s’e dije? Dëgjo Dëgjo! Ti s’dije gjë për Belindën?

Rama: Ça kam vjedhur unë?!

Shehaj: Ti nuk dije gjë për Veliajn? Ti nuk dije gjë për Ahmetajn? Ti nuk dije gjë për Beqajn? Ti nuk di asgjë! Ti s’di asgjë! Ti je viktimë! U i shkreti ti. Po të paskemi rënë në qafë! Do ikësh si çdo autokrat banal që ka parë ky vend! Është rrethuar parlamenti! Nuk do dalësh dot! Pse s’jep dorëheqje? Pse s’jep dorëheqje? Me dhjetëra mijëra duan dorëheqjen tëndë! Të duan në burg! Do ikësh siç ka ikur çdo autokrat! Do përfundosh në burg! Do ikësh edhe i urryer madje! Do përfundosh në burg! Do përfundosh në burg! Do japësh llogari ta dish! Do i japësh llogari qytetarëve ta dish! Do japësh llogari bashkë me këta këtu, ja të gjithë! Shi si e katandise Parlamentin shiko!