Sekretari i Përgjithshëm i PD-së, Flamur Noka ka komentuar kandidaturat e mundshme të opozitës për zgjedhjet lokale në Tiranë, duke veçuar mjekun Ilir Alimehmeti. Përballë Nikoll Lesit në “KOHA JONE-DEBAT”, Noka tha se Alimehmeti është një nga emrat më potencialë për të përfaqësuar opozitën në garën për Bashkinë e Tiranës. “Ilir Alimehmeti është një intelektual, një mjek i nderuar, një potencial i madh për Tiranën. Ai do t’i bënte nder Tiranës me kandidaturën”, u shpreh Noka. Megjithatë, ai sqaroi se kandidatura nuk është ende zyrtare dhe se Partia Demokratike ka përpara një proces të brendshëm për përzgjedhjen e kandidatit.
Pjesë nga debati
Lesi: Është Ilir Ali Mehmeti kandidat zyrtar i PD-së? Zyrtar domethënë duhet të firmosi doktori, por një mundësi për të kandiduar përballë palës së PS-së?
Noka: Ilir Alimehmeti është një intelektual, një mjek i nderuar, një potencial i madh për Tiranën.
Ai do t’i bënte nder Tiranës me kandidaturën, për ta çliruar Tiranën nga kthetrat e mafies të Veliajt dhe të karteleve të Edi Ramës. Kjo është ajo. A është një nga pa diskutim është një nga emrat më dinjitozë.
Lesi: Do ta votoni bashkë me opozitën tjetër kandidatën e përbashkët apo si?
Noka: Ne kemi kemi një proçes përpara. E para një proçes i brendshëm. Dhe unë do ta mbështesja me shumë kënaqësi kandidaturën e mjekut, se jemi dhe kolegë.
Lesi: Se kjo më tundon edhe mua, se zakonisht nuk e tregoj votën, por kjo e Ilir Alimehmetit sikur më tundon që tashti mua.
Noka: Ekzaktësisht.
Lesi: Megjithatë të shohim se ke nxjerrë PS-ja, se mund të nxjerri ndofta figurë me të mirë se mjeku Ilir Alimehmeti, por gjithsesi mos bëni lojën që e përdorni dy tre muaj dhe pastaj e digjni.
Noka: Jo, të jeni të sigurtë.
Lesi: Jorida Tabaku kandidate?
Noka: Unë po ju them, Jorida nuk ka aspiratë për…
Lesi: Je i sigurtë?
Noka: E ka shprehur vetë. S’ka nevojë ta pyesim. Tani po ju them një gjë. Ilir Alimehmeti në garën e brendshme të partisë, do të do ta kalojë besoj dhe do të jetë figura më potenciale për qytetarët e Tiranës.