Zgjerohet skandali i FIFA-s, Afrika e Jugut: 10 mln euro për votën e SHBA

Sepp Blater fitoi një mandat tjetër në krye të FIFA-s, por një tjetër skandal godet këtë institucion.  Sipas prestigjiozes, “New York Times”, numri dy i FIFA-s, Zherom Valke ka autorizuar transferimin e 10 milion dollarëve në llogarinë e ish zv/presidentit të federatës amerikane të futbollit, Xhek Uorner.

Paratë janë përdorur për të blerë votat në mënyrë që Afrika e Jugut të ishte vendi organizator i kampionatit botëror të futbollit në vitin 2010. Në fakt ashtu rezultoi. Transferimi i parave ka ndodhur në vitin 2008, por Valke ka reaguar nëpërmjet një e-mail, duke thënë se nuk ka autorizuar një pagesë të tillë dhe se nuk ka as pushtetin për ta bërë. Ndërkohë që ish zv/presidenti i Federatës Amerikane të Futbollit, Uorner, është një nga 14 drejtuesit e FIFA-s që akuzohen nga drejtësia amerikane si anëtarë të një rrjeti kriminal, rrjet që mendohet të jetë përfshirë një çështje korrupsioni prej 150 milionë dollarësh.