Zv/kryeministrja Balluku në fshatrat e Fierit

Belinda Balluku, zv/kryeministre dhe ministre e Infrastrukturës e Energjitikës, ka qenë sot në fshatrat e Fierit, ku është deputete e drejtuese politike.

Pas takimeve ajo shkruan: “Mes banorëve të fshatit Bishan në Levan, ndjeva gëzimin dhe mirënjohjen e njerëzve që më në fund shohin rrugën “Mico Mërtiri” të rikonstruktuar dhe të sigurtë për fëmijët që shkojnë çdo ditë në shkollën 9-vjeçare “Xhevit Fetau”.

Kjo rrugë nuk lidh vetëm fshatra, por zemra e familje që prej vitesh prisnin këtë ndryshim.

Në vetëm 6 muaj, në Njësinë Administrative të Levanit kemi përfunduar 6 rrugë të reja, investime të FSHZH dhe Bashkisë Fier që po kthen në realitet premtimin për zhvillim dhe dinjitet në çdo cep të komunitetit:

✅️ Rruga e Bishanit

✅️ Rruga e Boçovës

✅️ Rruga e Bidajve

✅️ Rruga e Përroit, Levan

✅️ Rruga e Gjelajve, Ferras

✅️ Rruga e Re, Martinë