Asteroidi që do godasë Tokën në vitin 2135
NASA nuk do të mund ta mbrojë planetin tonë kundër një asteroidi gjigand, i cili mund të përplaset në Tokë më 2135, ka zbuluar një studim i frikshëm.
Studiuesit gjetën se mund të jetë e pamundur që ky asteroid të ndalet – i cili është i madh sa ndërtesa Empire State në SHBA.
Shkencëtarët zbuluan se edhe teknologjia më e avancuar nuk do të ishte e dobishme në ndaljen e këtij asteroidi, i cili është emëruar Bennu, transmeton Gazeta Express.
Pasojat do të jenë “katastrofale” kanë paralajmëruar ekspertët, dhe asteroidi ka ngjallur frikë se mund të zhdukë gjithë jetën në planet.
Shkencëtarët po e hulumtojnë mundësinë e përdorimit të një anije të veçantë kozmike për të gjuajtur me bombë atomike objektin e tillë, në mënyrë që të evitohet kërcënimi.
Në një letër të re, shkencëtarët nga NASA dhe Administrata Kombëtare e Sigurisë Nukleare kanë hartuar një plan për Misionin për Reagim Emergjent ndaj Asteroidëve (HAMMER).
Sipas BuzzFeed News, anija do të përdorej për t’u përplasur direkt e në asteroid ose për ta shpërthyer gurin e hapësirës duke përdorur një pajisje nukleare.
Pavarësisht përpjekjeve të vazhdueshme për t’i identifikuar rreziqet potenciale që i kanosen Tokës, shkencëtarët vazhdimisht paralajmërojnë se ka objekte të panumërta në univers që mbesin të pazbuluara.
Duke parë rrezikun e një përplasjeje të pashmangshme në të ardhmen, ekspertët thonë se është e nevojshme që të planifikohet më e keqja. Hulumtuesit do të prezantojnë propozimet e tyre në një konferencë në Japoni këtë maj.
Për momentin, megjithatë, se a do të bëhet realitet ndonjëherë plani HAMMER, mbetet pikëpyetje./express/
