Berat, muzika e vjetër mbush me tinguj muzeun Onufri

Muzika napoletane e viteve ‘600-‘700 ka mbushur me tinguj muzeun Kombëtar Onufri në qytetin muze të Beratit. Edicioni i katërt i muzikës së vjetër, Vox Baroque është aktiviteti i vetëm i këtij lloji në Shqipëri që i kushtohet kretësisht repertorit barok. Koncerti është organizuar këtë vit në mjediset e jashtme të muzeut Onufri, ku pamja spektakolare është bashkuar me muzikën e përzgjedhur

Jusuf Beshiri, ideatori i festivalt thotë se koncerti promovon edhe vlerat e  trashëgimisë kulturore.

Beshiri: Këtë herë kemi eksperimentuar dhe kemi tentuar ta bëjmë në hapësirë.

Xhiorxhi Mateoli, instrumentist i grupit napoletan shprehet se zgjedhja e kalasë së Beratit është e përkryer, pasi vetë qyteti është një vlerë më vetë artistike.

Mateoli: Përpara disa vitesh kam luajtur muzikë brenda kishës dhe ishte e shkëlqyer. Kalaja është një vend i magjishëm dhe jemi shumë të kënaqur që jemi këtu në këtë skenë. Ndjehemi si në shtëpi.

Rrugëtimi muzikor dhe turistik ofrohet në Berat, pas Gjirokastrës, Korcës e Vlorës.

/Ora News.tv/