Dëmet shëndetësore që shkakton manikyri

Manikyri duhet të përdoret sa më rrallë. E keni vënë re të gjitha që pas një përdorimi të gjatë, thonjtë do t’ju thahen dhe do të marrin ngjyrë të verdhë. Ky aksesor i kozmetikës shkakton shumë më shumë dëme se ato që shohim. Rreziku i manikyrit qëndron tek disa prej substancave toksike me të cilat përbëhet.

Toulene është një tretës që u jep thonjve shkëlqim dhe ruan pigmentin. Toulene mund të ndikojë në sistemin qendror nervor dhe të shkaktojë çrregullime, dhembje koke, gjendje pafuqie dhe të përziera. Këto janë disa nga pasojat e kësaj substance të manikyrit.

Formaldehyde është gaz pa ngjyrë që ndihmon fortësinë dhe qëndrueshmërinë e manikyrit. Nëse jeni alergjike, kontakti me këtë substancë mund të shkaktojë dermatit dhe djegie kimike. Në shumë raste, mund të shkaktoj edhe takikardi.