Eliza Hoxha i rikthehet muzikës, detaje për këngën e re

Këngëtarja Eliza Hoxha, pas një pauze të gjatë në muzikë, ka paralajmëruar këngën e saj më të re.

Në një prononcim për mediat kosovare, Eliza edhe pse e rezervuar ka ndarë disa detaje nga projekti i saj, i cili pritet të lançohet së shpejti. “Përmes projektit tim të ri do të rikthej disa momente të viteve të tetëdhjetë dhe do të jetë një ripërpunim i një kënge ku jo të gjithë e njohin dhe e mbajnë mend. Do të mundohem t’i kthej disa momente që tashmë janë harruar”, është shprehur Eliza. Këngëtarja, e cila është edhe arkitekte, për shkak të angazhimeve të saj në këtë fushë ka lënë anash për pak kohë muzikën. Rikthimi i saj në muzikë vjen pas katër vitesh me një kompozim të Florent Boshnjakut, në stilin retro.