Frikë nga Covid-19/ Adriano Celentano një vit brenda në shtëpi, pranon të vaksinohet

Legjenda e muzikës Adriano Celentano  në një lidhje telefonike tek “Domenica In”  ka treguar se çfarë pasoja ka patur pandemia e Covid-19 në jetën e tij.

E gjithë kjo situatë për të është kthyer tepër e lodhshme dhe shpreson që sa më parë  gjendja të rikthehet në normalitet. Për këtë arsye ai ka pohuar se ka pranuar të vaksinohet bashkë me të shoqen.

Gjatë bisedës ai gjithashtu tregon se prej një viti janë të mbyllur në shtëpi për të shmangur infektimin nga Covid.

“Unë dhe Klaudia jemi mbyllur praktikisht brenda në shtëpi prej një viti. Na e kanë sjellë dhe veshjen me vija si të burgosurit”.- thotë ai pa harruar dhe shaka.