Jay-Z zbulon arsyen pse s’shkoi në dasmën e Kanye West me Kim Kardashian

“Everything Is Love” është albumi që rikthehu fuqishëm dyshen fantastike Beyonce dhe Jay-Z. 2 vite pas publikimit të “Lemonade” që i referohej pabesisë dhe tradhtisë së reperit, dyshja erdhi me një album të kushtuar dashurisë së tyre, por jo vetëm.

Jay-Z duket se ka folur përmes teksit të këngës “Friends” në lidhje me raportin e tij me Kanye West dhe faktin që pse refuzoi t’i shkonte në dasmën e bujshme me Kim Kardashian. 

I ain’t goin’ to nobody nothin’ when me and my wife beefin’
I don’t care if the house on fire, I’m dyin’, nigga, I ain’t leavin’
Ty-Ty take care of my kids, after he done grievin’
If y’all don’t understand that, we ain’t meant to be friends

Duke iu referuar tekstit të këngës “Friends” (Miqtë), Jay-Z shprehet se nuk do të shkojë në festat e të tjerëve në rast se ai dhe gruaja e tij s’po merren vesh me njëri-tjetrin. Për reperin nuk ka rëndësi edhe nëse shtëpia ka marrë flakë, është i gatshëm të digjet në të vetëm e vetëm që të mos largohet nga familja. Në fund përfundon duke thënë se nëse “miqtë” nuk e kuptojnë një situatë të tillë, nuk janë në të vërtetë miqtë e tij.

Raporti i Kanye West me Jay-Z ka qenë një lëmsh i vërtetë. Fillimisht krisja u bë publike kur Jay nuk shkoi në dasmën e mikut të ngushtë. Burime thanë në atë kohë se Kanye dëshironte ta kishte shoqërues Jay-n dhe u zhgënjye nga mosprania e çiftit të famshëm. U tha se fillimisht Jay pranoi, por me kushtin që asnjë kamera televizive nuk do të filmonte Beyonce-n dhe vogëlushen Blu Ivy. Vetëm mendimi se mund të shfaqej në “Keeping Up with the Kardashians” e tmerronte divën e muzikës.

Por siç duket, arsyeja e vërtetë sipas Jay-t ka qenë kriza në çift, marrëdhënia që s’po shkonte siç duhet, për të cilin reperi ka qenë i gatshëm të bëjë gjithçka për ta rindëruar nga e para.

Dasma nuk ka qenë konflikti i vetëm mes tyre. Kohë më parë, Kanye hoqi dorë nga kompania e njohur muzikore Tidal, ku u mendua se shkak ishte bërë një shumë e madhe parash që kishte marrë hua tek Jay-Z.