Sipas një burimi pakistanez, bisedime tripalëshe ballë për ballë po zhvillohen në Islamabad midis zëvendëspresidentit të SHBA-së J.D. Vance, të dërguarit të SHBA-së në Lindjen e Mesme Steve Witkoff, dhëndrit të Trump, Jared Kushner, kryetarit të parlamentit iranian Mohammad Bagher Ghalibaf, ministrit të Jashtëm Abbas Araghchi dhe shefit të ushtrisë pakistaneze.
Nëse konfirmohet, sipas CNN, ato do të jenë bisedimet e para të drejtpërdrejta midis SHBA-së dhe Iranit që nga themelimi i Republikës Islamike.
”Bisedimet filluan pas zhvillimit të konsultimeve intensive në Islamabad, gjatë të cilave u diskutuan çështje të tilla si kufizimi i sulmeve izraelite nga Bejruti në Libanin jugor, lirimi i aseteve iraniane nga SHBA-të dhe nevoja për diskutime më të hollësishme teknike dhe nga ekspertët”, raportoi agjencia gjysmëzyrtare iraniane e lajmeve Tasnim duke vënë në dukje se bisedimet zyrtare kanë filluar për të finalizuar këto pika.
Irani gjithashtu i ka bërë thirrje Shteteve të Bashkuara të bindin Izraelin të zbatojë një armëpushim gjithëpërfshirës në Liban.