”Ju flet Moska” – Në cilën gjuhë është fjala ”Kosovë” dhe çfarë kuptimi ka?

Në cilën gjuhë është fjala ”Kosovë” dhe çfarë kuptimi ka? Kjo ishte tema e emisionit Ju flet Moska këtë të enjte në RTV Ora.

Gazetari Kastriot Myfaraj në analizën e tij, thotë se fjala Kosovë është në gjuhën sllave,sepse emrin vjen nga Fushë Kosova, një territor i ngushtë që bëri emër për shkak të betejës së madhe që u zhvillua atje në vitin 1389.”

Kastriot Myftaraj: ”Nëse do të hapni fjalorin enciklopedik të Kosovës, botimi i Akademisë së Shkencave të Republikës së Kosovës, botimi i fundit i vitit 2018, me dy vëllime të trasha, diku aty pas faqes 830, do të gjeni zërin Kosovë. Një numër i madh faqesh, shpjegim i gjithanshëm për Kosovën, por mungon kuptimi i fjalës Kosovë. Kur thuhet Shqipëri, kuptimi i emrit vendi i shqipeve. Kur thuhet Itali është vendi i viçave. Këtu shikoni një hartë të Kosovës, sipas kuptimit shqiptar, serb dhe ndërkombëtar, Kosova është e ndarë në dy rajone të mëdha.  Në perëndim është rrafshi i Dukagjinit, në lindje është Kosova. E gjithë krahina mori emrin Kosovë. Cili është kuptimi i fjalës Kosovë dhe në çfarë gjuhe është? Ne shqiptarëve nuk ka pëlqen ta trajtojmë këtë çështje, aq më pak shqiptarët e Kosovës. Sepse nuk na pëlqen që kuptimi i kësaj fjale është në gjuhën sllave. Nuk ka si të jetë ndryshe sepse emri vjen nga Fushë Kosova. Një territor i ngushtë që bëri emër për shkak të betejës së madhe që u zhvillua atje në vitin 1389.”