Kadare nderohet me çmimin “Azem Shkreli” dhe titullin “Qytetar Nderi i Pejës”

Shkrimtari i madh i letrave shqipe, Ismail Kadare, u nderua sot me çmimin “Azem Shkreli” dhe po ashtu iu dha titulli “Qytetar Nderi i Pejës”, gjatë ceremonisë së organizuar në qytetin e Pejës, në kuadër të edicionit  XIV i takimeve ndërkombëtare letrare “Azem Shkreli”.

Shtypi i sotëm kosovar thekson se shkrimtari i madh shqiptar, Ismail Kadare, ka ardhur në Kosovë me mesazhe optimiste.

Në mbrëmjen e parë të edicionit XIV të takimeve ndërkombëtare letrare “Azem Shkreli”, Kadare ka qenë protagonisti kryesor në skenën e kinoteatrit “Jusuf Gërvalla”, shkruan gazeta Koha Ditore.

Në një karrige të vendosur në mesin e skenës, ai u prit nga shumë qytetarë, që kishin mbushur sallën e këtij objekti kulturor, vetëm për ta parë e takuar nga afër kolosin e letrave shqipe.

Në mesin e të gjithë atyre ishte edhe vajza e Azem Shkrelit, Aida, që kishte ardhur enkas për këtë mbrëmje nga Kanadaja.