Krishtlindjet këtë vit do të festohen në kushte jo normale, për shkak të kufizimeve të vendosura për parandalimin e pandemisë
Në kishën ortodokse “Ngjallja e Krishtit” në vigjilje të Krishtlindjes besimtarët luten për më shumë shëndet.
Besimtari: Lutemi për mbarësi, aq më tepër tani që është kohë pandemie, Krishti është vaksina më e përshtatshme që të kalojmë këtë situatë.
Besimtarja: Shëndeti i pari, pastaj mbarësi.
Ata thonë se pranojnë çdo masë që në qendër të vëmendjes kanë shëndetin.
Besimtarja: Besoj janë të gjitha në favor të shëndetit tonë.
Këtë vit, në tryezën tradicionale nuk do të ketë të ftuar jashtë familjes.
Besimtarja: Për këtë vit urojmë që vërtetë të na sjellë shpresë, gëzim dhe dashuri…
Besimtarja: Me fëmijët, me djalin dhe me nusen dhe burri vetëm anëtarët e familjes
Përfaqësues të kishës thonë se pjesëmarrja në shërbesën e orëve të mëdha të Krishtlindjes ka qenë më i ulët se në kushtet normale, por i kënaqshëm duke marrë parasysh kushtet e pandemisë.
Prifti: E kënaqshme, ishin shumë njerëz që morën pjesë në shërbesën e orëve dhe të liturgjisë së madhe të Shën Vasilit të Madh. Ndonëse shumë njerëz janë në punë dhe në detyrime të ndryshme por ishte dicka e kënqashme.
Më 25 dhjetor në kishën ortodokse “ Ngjallja e Krishtit” do të organizohen dy mesha, një në orën 7 dhe një tjetër në orën 10, për t’iu dhënë mundësinë të gjithë besimtarëve të jenë pjesë, por dhe pa lejuar grumbullimet.
/Ora News