KUJDES! Pedofili dhe vjedhje të dhënash në rrjetin social “TikTok”

Porno, pedofili, video me përmbajtje seksuale dhe vjedhje të dhënash mbizotërojnë në “TikTok”, rrjetin social, përdoruesit më të shumtë të të cilit janë adoleshentë.

Alarmin e ngre Jesse Weinberger, eksperte e sigurisë në internet. Për “The Sun”, ajo ka treguar se rrjeti me 1.5 miliardë “downlodime” në botë po shkatërron të rinjtë.

Madje Weinberger ka rrëfyer dhe rastin e një vajze 9 vjeçe e cila ishte e fiksuar me videot pornografike, që kishte filluar t’i shihte si fillim në Youtube. Disa nga aktoret e filmave pornografikë gjithashtu janë përdorues të “TikTok”.

Por ajo që është më shqetësuese është se fëmijët po kthehen në shënjestrën e pedofilëve në rrjetin social si dhe ekspozimi i fytyrës së tyre po përdoret në avantazhin e kontrolluesve të aplikacionit.