Kush është Netta, “vajza-pulë” që fitoi Eurovisionin?

Kënga u bë mjaft e famshme falë imitimit të pulës gjatë vijës muzikore dhe të shumtë ishin ata që e cilësuan si vajza-pulë. Por, kush është Netta?

Netta Barzilai është nga Hod HaSharon, Izrael. Ajo është muzikante 25-vjeçe dhe deri në moment të fundit ishte kandidatja e dytë pretendente për të fituar Eurovisionin.

Ajo performoi këngën “Toy”, të cilën e këndoi e vetme. Kënga mori miliona shikime në YouTube përpara nisjes së shfaqjes.

Netta ka thënë:

Kënga ka një mesazh të rëndësishëm. Zgjimi i fuqisë femërore dhe drejtësisë shoqërore, i mbështjellë me vibrime të lumtura dhe shumëngjyrëshe përçohet gjatë gjithë këngës”.

Duke folur për zërat e pulës që bëhen gjatë këngës, e reja tha për Wiwibloggs:

Zërat supozohen të imitojnë zërin e një frikacaku, të një pule. Dikush që nuk vepron si e ndjen dhe që të trajton si lojë”.

Kënga e Nettës hapet me fjalët “Më shikoni, jam një krijesë e bukur”.