Meshë pa besimtarë për Pashkët

Besimtarët katolikë kremtojnë këtë të dielë festën e Pashkës, një prej më të rëndësishmeve në besimet e krishtera. Por përhapja e koronavirusit po detyron mbajtjen e meshave pa besimtarë.

Është e premte e zezë e javës së Pashkës, një prej festave më të rëndësishme të besimit të krishterë.

Por situata e krijuar nga koronavirusi ka ndryshuar ritet fetare.

Ceremonitë dhe mesazhi transmetohen LIVE në rrjetet sociale.

Për herë të parë prej rikthimit të lirisë së besimit, kishat katolike nuk do hapin dyert për besimtarët.

Janë ditë të vështira për të gjithë, por përfaqësuesit e Kishës thonë kanë nxitur besimtarët të respektojnë rregullat dhe të luten nga shtëpia.

Për shkak të situatës së jashtëzakonshme të krijuar nga koronavirusi si asnjëherë më parë festa e Pashkëve do të kremtohet pa praninë e besimtarëve.