Një zog që po fle? Gjumi ka zgjatur 45 mijë vjet (FOTO)

Gjumi i këtij zogu sipas paleontologëve ka zgjatur 45 mijë vjet. Në një tunel të gërmuar nga kërkuesit e fildishit të mamutëve në Siberi, ka dalë në pah trupi i brishtë i një laureshe (Alauda Arvanensis), në një nga zbulimet më të bujshme të viteve të fundit.

Vendndodhja e zbulimit është lokaliteti Belaya Gora, një vend tejet i izoluar i Siberisë veri-lindore, ku shpesh herë ka zbulime të tilla për shkak të ngrohjes së temperaturave gjatë viteve të fundit.

“Ky shpend i vogël pothuajse i paprekur ka jetuar i rrethuar nga mamutë dhe luanë prehistorikë. Ishte femër dhe ka ngordhur për shkaqe natyrore, dhe menjëherë ka ngrirë”, tha paleontologu suedez Love Dalen.