Pasioni kthehet në tragjedi/ Shkon për gjueti, shqiptari plagoset nga shoku me saçmë në kokë

I hidhur ka rezultuar fati i një shqiptari në Greqi, i cili po lufton me vdekjen pasi mbeti i plagosur teksa kishte shkuar për gjueti. Ngjarja e rëndë ndodhi në Volos.

Mediat greke raportojnë se 37-vjeçari shqiptar kishte shkuar bashkë me mikun e tij për gjueti në zonën e Velestino ndërsa në rrethana ende të paqarta është qëlluar me saçmë në kokë. Për pasojë shqiptari, identiteti i të cilit nuk dihet ende, është plagosur në kokë, pasi ka marrë lëndime të mëdha kranocerebrale. ‘Newsit.gr’ shkruan se shqiptari kishte shkuar për gjueti bashkë me shokun e tij, një 45-vjeçar. Të njëjtat burime thonë se ka qenë pikërisht miku i tij që e ka qëlluar aksidentalisht.

Shqiptari aktualisht ndodhet në Repartin e Kujdesit Intensiv të Spitalit Achillopoulos të Volos, ku gjendja e tij paraqitet kritike për jetën.