Për të qenë të lumtur, bëjini vetes çdo natë këto 2 pyetje

Shpesh mendojmë se çelësi për një jetë më të lumtur është të bëjmë ndryshime të mëdha dhe gjithëpërfshirëse. Por përqëndrimi vetëm te lëvizjet e mëdha – ndryshimi i karrierës sonë ose rregullimi i sjelljes, për shembull – shpesh thjesht na bëjnë më të ngarkuar. Një strategji më e mirë është të bëni përmirësime në rritje. Me kalimin e kohës, ndryshimet e vogla mund të çojnë në një ndryshim madhor.

Nga 1 në 10, sa i/e lumtur jam me jetën time sot?

Nëse përgjigjja është 10, urime. Nuk keni pse vazhdoni të jeni në këtë artikull. Nëse është diçka më pak se 10, këtu nis pyetja e dytë.

Nëse do të isha [numri i mësipërm + 1], çfarë do të ishte ndryshe?

Shembull: Nga 1 në 10, sa i/e lumtur jam me jetën time sot? 6. Nëse do të isha 7, çfarë do të ishte ndryshe?

Formulimi është i rëndësishëm. Pyetja “Çfarë do të ishte ndryshe?” e dërgon trurin tuaj në një mision për të kërkuar ndryshime të vogla, të arritshme që mund t’i zbatoni për ta bërë jetën sot pak më të mirë se ajo dje.

Ndoshta do të vendosni të dilni jashtë për 20 minuta, ose të telefononi një mik të vjetër. Praktikojeni vazhdimisht gjatë javëve dhe muajve dhe ndryshimet do të fillojnë të shtohen.

Pse të shtoni thjesht një numër? Sepse është më e arritshme. Nëse shtoni më shumë se kaq – nëse përpiqeni të shkoni nga 3 në 9, për shembull – ndoshta do të ndiheni të shqetësuar për përgjegjësinë e madhe dhe me gjasë do t’i shtyni ndryshimet për më vonë.

Gjëja më e mirë për këto dy pyetje është se ato ju ndihmojnë të përmirësoni jetën tuaj në një mënyrë të atillë që nuk duket si punë.