Pesë problemet shëndetësore që e qara mund t’ju ndihmojë të zgjidhni

1. Stresi

Një studim i vitit 2014 zbuloi se të qarat mund t’i ndihmojnë njerëzit të qetsohen gjatë një periudhe stresuese. Rezultatet e të qarit nuk janë të menjëhershme, mund të duhen disa minuta para se trupi të fillojë të qetësohet.

Sipas studiuesve, e qara aktivizon sistemin nervor parasimpatik (PNS). Kur aktivizohet, PNS ka një efekt qetësues në tru.

2. Tensioni i gjakut

Presioni i lartë i gjakut mund të çojë në disa çështje serioze shëndetësore si goditje në zemër, sulm në zemër, pushim të zemrës, çmenduri dhe madje edhe problem me veshkat. Por lajmi i mirë është se sipas disa studimeve, të qarat jo vetëm që ulin tensionin e gjakut dhe e mbajnë atë kontroll, por një e qarë e fortë mund të rregullojë edhe pulsin.

3. Akumulimi i toksinave

Lotët që rrjedhin nga sytë tuaj ndërkohë që qani mund të pastrojnë mbeturinat, si tymi dhe pluhuri nga sytë. Gjithashtu, kur qajmë, lotët tanë largojnë toksinat që grumbullohen në trup për shkak të stresit. Heqje e toksinave ndihmon në uljen e nivelit të kortizolit në trup, duke rezultuar kështu në një gjendje shpirtërore më të qetë. Prandaj, nuk është për t’u habitur që ne shpesh ndihemi të lehtësuar pas një të qare.

4. Luhatje të humorit

Nëse po pyesni veten pse sjellja juaj është bërë agresive dhe vazhdoni të ndjeheni të shqetësuar dhe irrituar kohët e fundit, atëherë duhet të dini që nuk mund të ketë përgjigje përfundimtare. Lëkundjet e humorit mund të ndodhin për arsye të ndryshme. Një arsye e tillë është akumulimi i manganit në trup.

Kur qajmë, mangani i tepërt rrjedh nga trupi së bashku me lotët tanë. Kjo zvogëlon përqendrimin e tij në trup dhe si rezultat ju bën të ndjeheni të qetë dhe të përqendruar.

5. Dhimbje

Kur kemi dhimbje fizike, disa lot shpesh na shpërthejnë në mënyrë të pavullnetshme. Kjo është mënyra e trupit për të zvogëluar ndjesinë e dhimbjes. Hulumtimet kanë zbuluar që përveç të qenit qetësues, duke derdhur lotë emocional çliron oksitocin dhe endorfinat. Këto kimikate i bëjnë njerëzit të ndjehen mirë dhe gjithashtu mund të lehtësojnë dhimbjet fizike dhe emocionale.

Mos harroni se lotët mund të rrjedhin si për shkak të dhimbjes ashtu edhe lumturisë.

Qan shpesh? A ndjeheni të lehtësuar më pas?