Pyetja e Çanit që nxori dje Ramën nga binarët

Kryeministri i vendit Edi Rama ishte i ftuar mbrëmjen e djeshme në studion e gazetarit Arian Çani në emisionin “Zonë e Lirë”.

Ai hodhi thumba ndaj presidentit Ilir Meta, për mosdekretimin e ministrit të Jashtëm kandidat Gent Cakaj.

Në një moment të emisionit Çani errësoi studion dhe nisi të fliste nën zërin “hyjnor” duke kapur Ramën ngushtë me disa pyetje thumbuese.

“Sa shanse ka që ky të jetë dimri i fundit në pushtet?” Ishte pyetja që i drejtoi Çani-kryeministrit.

Pjesë nga intervista

Rama: Unë nuk jam në pushtet, unë jam në detyrë. Unë jam këtu gjithnjë e më i bindur që ky llum që marrin përsipër sot të udhëheqin ofensiva si ajo e një të riu me shkëlqim, të zmbrapset. Unë personalisht jam dikush që mund të bëjë edhe gjëra të tjera. Mund të merrem me art, modë apo shkrim”.

Çani: M’u duke, si kryetari opozitës.

Rama: Unë jam opozitari më cilësor dhe protestues me studentët. Ne nuk kemi opozitë, është një fushë bosh. Kur është fushë bosh, si mund të nxjerrësh më të mirën tënde?.