Pak ditë pasi njoftoi se ishte infektuar nga koronavirusi, deputetja Rudina Hajdari qetëson ndjekësit e saj në rrjetet sociale, duke bërë me dije se gjendja e saj shëndetësore po shkon drejt përmirësimit.
Ndërkohë, Hajdari ndan dhe përvojën e saj në këtë betejë me virusin e rrezikshëm.
Mesazhi i Rudina Hajdarit
Të dashur miq,
Së pari ju falenderoj nga zemra për gjithë urimet për shërim të shpejt që më keni nisur. E keqja dhe e mira kalohen me miq dhe këto ditë edhe pse e izoluar, jam ndier mes mijëra njerëzve të mirë e për këtë ju jam mirënjohëse.
Fatmirësisht nga dje nuk kam patur më shqetësime si pasojë e simptomave të virusit Covid19.
Ditët e para ishin pak të vështira, me dhimbje kyçesh, koke, temperaturë dhe lodhje të trupit.
Sipas këshillave të mjekëve jam kuruar me vitaminë C dhe D si edhe pilula për qetësimin e dhimbjeve. Kam shpenzuar disa orë në ditë në ballkon për ajër të pastër dhe kam bërë gjimnastikë në kushte shtëpie.
Sot, përveç nuhatjes dhe shijes të cilat ende nuk më janë kthyer, ndihem shumë mirë dhe besoj se shpejt do të ribëj testin për t’iu rikthyer aktivitetit të përditshëm.
Ndërkohë e kam shfrytëzuar këtë kohë për të komunikuar me ju në mesazhet pafund që më keni nisur dhe do vazhdoj ta bëj rregullisht.
Ju uroj shëndet dhe shihemi së shpejti
Të dashur miq,
Së pari ju falenderoj nga zemra për gjithë urimet për shërim të shpejt që më keni nisur. E keqja dhe e…
Pubblicato da Rudina Hajdari su Mercoledì 4 novembre 2020