Sa 6 fusha tenisi, piktura më e madhe në botë shitet në Dubai. Zbulohet shifra (FOTO)

Piktura më e madhe në botë është shitur për 62 milionë dollarë në një ankand në Dubai. “Journey of Humanity” krijuar nga artisti britanik Sacha Jafri është i ndarë në 70 seksione sa gjashtë fusha tenisi.

Pikturën e bleu Andre Abdoune, një shtetas francez që banon në Emiratet e Bashkuara Arabe. Organizatorët thanë se punimi u shit për 62 milion dollarë, dyfishi i shumës së synuar dhe paratë do të dhurohen për bamirësi për të ndihmuar fëmijët.

Vepra fillimisht ishte menduar të shitej në segmente. “Piktura ishte shumë e fuqishme kur e pashë dhe për mua do të ishte një gabim ta ndaja në copa”, tha Abdoune.