Shtëpia më e vjetër në Amerikë, kushti i veçantë që mund ta bëjë tuajën

Shtëpia më e vjetër në SHBA, e cila ka orendi të periudhës së Xhorxh Uashington është vënë në shitje për 2.9 milion dollarë.

Nothnagle Log House u ndërtua rreth vitit 1640 nga kolonitë finlandeze. Shtëpia e mrekullueshme 375-vjeçare ende është në gjendje të mirë dhe ruhet me shumë kujdes nga pronarët, përcjell albeu.com

Është në pronësi të Harry Rink, 88 vjeç dhe gruas së tij Doris, 75 vjeç, nga Greenwich Township. Ata tani janë duke kërkuar për një blerës të gatshëm për të pranuar kërkesat e tyre unike.

Pronari i ri që do blejë pronën, duhet të pranojë që Harry dhe Doris të vazhdojnë të jetojnë në shtëpi dhe të kujdesen për të, po ashtu të mirëpresin dhe turistët. Këtë kusht çifti e vendosi pasi duan ta sigurojnë shtëpinë edhe kur ata të mos jetojnë më.