Shuhet në moshën 79 vjeçare “Artisti i Popullit”, aktori i madh Demir Hyskja

Ka ndërruar jetë në moshën 79 vjeçare “ Artist i Popullit”, aktori i njohur elbasanas, Demir Hyskja. Prej më shumë se se tre vjetësh, aktori Demir Hyskja vuante nga diabeti, veshkat. si edhe tension i lartë. Që prej kësaj kohe, shumë pak  në qytet, pasi pjesën më të madhe e kalonte në banesën e tij në një lagje të njohur të qytetit të Elbasanit. Mësohet se ai ka ndërruar jetë në banesën e tij , rreth orës 10-të të paradites së djeshme ,ku gjatë të gjithë kohës ka qenë nën kujdesin e mjekëve dhe njerëzve të familjes së tij. Demir Hyskja është  aktor i mirënjohur shqiptar, i shumë dimesioneve artistike,  i cili u lind më 1 janar 1937 në Elbasan. Për më shumë se 30 vjet, Hyskja ka pasur role të shumëllojshme teatër dhe në filma të ndryshëm të kinematografisë shqiptare duke u mbajtur mend për më se 50 personazhe. Arsimin fillor dhe të mesëm e kreu në qytetin e lindjes. Në vitet 1951-1955 përfundoi shkollën e mesme të ndërtimit. Teknik ndërtimi në vitet 1955-1962 dhe më tej aktor në teatrin “Skampa”. Gjatë punës 30-vjeçare në teatër ka realizuar mbi 50 role kryesore. Në Kinostudion “Shqipëria e Re” ka realizuar 24 filma artistike dhe dokumentarë. Është dekoruar disa herë me dekorata të urdhrave të ndryshme deri tek “Naim Frashëri i Klasit të Parë”.

Në vitin 1969 nderohet me titullin “Artist i Merituar” dhe në vitin 1979 nderohet me titullin e lartë “Artist i Popullit”. Është zgjedhur katër herë radhazi deputet në Kuvendin Popullor. Disa muaj më parë , kreu i Bashkisë Elbasan , Qazim Sejdini , do ta nderonte aktorin e madh me titullin më të larte “Qytetar Nderi” i Elbasanit.

Rolet në filma të interpretuara nga Demir Hyskja

• Dhe vjen një ditë – (1986)… Baki Branica

• Kronikë e atyre netëve – (1986) (TV)

• Hije që mbeten pas – (1985)… Babai i Agronit

• Fushë e blertë fushë e kuqe – (1984)

• Kohë e largët – (1983)… Kolin Stringari

• Një emër midis njerëzve – (1983)

• Nëntori i dytë – (1982)

• Shokët – (1982)… Drejtori i uzinës

• Dëshmorët e monumenteve – (1980)… mesues Andrea

• Një ndodhi në port – (1980) … babai i Artanit

• Me hapin e shokëve – (1979) (TV)

• Një natë nëntori – (1979) (TV)

• Përtej mureve të gurta – (1979)… Kasemi

• Gjyshi partizan – (1978)… Gjyshi

• Dollia e dasmës sime – (1978)

• Një udhëtim i vështirë – (1977)

• Fije që priten – (1976)… I shoqi i Besës

• Pylli i lirisë – (1976)… Beu

• Në fillim të verës – (1975)… Shoku Mali

• Rrugicat që kërkonin diell – (1975)… Halimi

• Shpërthimi – (1974)

• Operacioni Zjarri – (1973)… Kometa

• Kur zbardhi një ditë – (1971)… Shoferi Thoma Shpuza

• Mëngjeze lufte – (1971) Ilegali

• Gadhnjim mbi vdekjen – (1967)

Bashkia ka vleresuar me titullin “ Qytetar Nderi” aktorin Demir Hyskja

Në ditën e tij të lindjes, në 3 janar të këtij vit, kryetari i Bashkisë Qazim Sejdini e ka nderuar Demir Hyskja me titullin “Qytetar Nderi” në një ceremoni të zhvilluar  në teatrin “Skampa”. Titulli me motivacionin: “Për kontributin e shquar në promovimin e artit dhe kulturës qytetare të Elbasanit, për vlerat e spikatura në teatër dhe kinematografi, si një aktor i përmasave kombëtare” iu dorëzua artistit nga kryetari i Bashkisë, Qazim Sejdini. Në fjalën e tij,  79-vjeçari falënderoi gjithë popullin shqiptar dhe në veçanti qytetarët elbasanas dhe bashkinë e Elbasanit për titullin e dhënë.

Ngushëllime për Demir Hyskja

Kreu i Bashkisë Qazim Sejdini, pasi ka mësuar për ndarjen nga jeta të  Artistit të Popullit, ka shkuar në banesën e tij, duke i dhënë ngushëllime familjarëve, si edhe lamtumirën e fundit aktorit. – “ Sot u nda nga jeta një nga artistët e vërtetë të mëdhenj të Kinematografisë Shqiptare. Gjithnjë kemi qenë krenarë që qyteti ynë ka pasur një njeri të tillë, një aktor të madh,  i cili me karrierën e tij artistike, do të mbetet i pavdekshëm në mendjet e qytetarëve elbasanas, jo vetëm për interpretimin e tij me mjaft profesionalizëm, por edhe për qytetarinë e treguar ndër vite”- ka thënë mes të tjerash , Sejdini . Edhe prefekti Arben Kamami, kreu i Këshillit të Qarkut Bukurosh Stafa, miq, artistë, qytetarë të shumtë i kanë dhënë lamturmirën e fundit aktorit të dashur të qytetit të tyre. Bashkia e qytetit organizon sot nga ora 11 – 12 e 30  homazhe në ambjentet e Teatrit “ Skampa” për aktorin Demir Hyskja , ndërsa përcjellja për në banesën e fundit do të bëhet në orën 13-të. Intervistën e fundit mediatike , demir Hyskja do ta jepete para një viti e gjysëm në gazetën “Koha Jonë”