Studentët e inxhinierisë bashkohen në luftën kundër COVID-19, prodhojnë maska për mjekët

Luftës kundër pandemisë së COVID-19 në Shqipëri i janë bashkuar dhe studentët e Fakultetit të Inxhinierisë Mekanike të Universitetit Politeknik të Tiranës.

Ata po u vijnë në ndihmë mjekëve në Shqipëri dhe Kosovë duke prodhuar maska mbrojtëse të printuara në 3D.

Printerat 3D janë pjesë e një laboratori të ri të ngritur në kuadër të projektit ndërkufitar mes Italisë-Shqipërisë dhe Malit të Zi të financuar nga BE.

Deri më tani, studentët kanë prodhuar 500 maska, ndërkohë që prodhimi vijon sërish.