Ushqimet fatsjellëse në tavolinën e Vitit të Ri

Përveç ushqimeve tradicionalë të vitit të ri në tryezën tuaj nuk duhet të mungojë edhe kjo listë ushqimesh:

Mishi i derrit-Tingëllon çuditshëm por për disa kultura mishi i derrit simbolizon prosperitet. Veçanërisht fatsjellëse konsiderohet hunda e derrit e cila nuk duhet t’i mungojë tavolinës suaj, pasi simbolizon progresin. Mishin e derrit mund ta konsumoni në të gjitha format e tij si proshutë, pancetë, rosto etj.

Shega-Sipas traditës greke shega konsiderohet si një frut fatsjellës në nisjen e vitit të ri. Sipas tyre sa më shumë kokrra të dalin nga përplasja e shegës në derën kryesore të shtëpisë aq më i mbarë dhe fatsjellës do të jetë viti që vjen. Provojeni!

Tavë me Peshk-Një tavë me peshkë nuk duhet ti mungojë tavolinës suaj së vitit të ri. Peshku simbolizon fatin në dy mënyra: Sipas traditave të ndryshme sasia e luspave simbolizon sasinë e parave. Sa më shumë luspa aq më shumë para do të ketë në në shtëpitë tuaja. Fakti që peshku noton përpara simbolizon përparim. Ecje përpara në jetët tuaja.

Thjerrëza-A e dini se çfarë simblizojnë thjerëzat?! Paratë! E kush nuk do donte të kishte më shumë para në 2018-ën! Pjata me thjerrëzat përdoret si fatsjellëse kryesisht në traditën italiane madje kjo traditë daton që në kohën e romakëve.

Monedha e fshehur ne tortë-Në embëlsirën e vitit të ri mirë është të fshihni një monedhë. Pjesëtarit të familjes suaj që do t’i bjerë monedha do të ketë një vit të mbarë ose në rastin më të keq nje dhëmb të thyer. Kjo traditë vjen nga Greqia e lashtë. /Shije.al/