Vijojnë rreshjet e borës në Korçë, qarkullim pa probleme në të gjitha akset rrugore

Reshjet e borës kanë vijuar përgjatë gjithë natës në qarkun e Korçës.

Raportohet se nuk ka pasur probleme me lëvizjen e mjeteve, qarkullimi vazhdon normalisht pa zinxhirë në të gjitha akset, edhe në ato malore.

Trashësia e dëborës varion nga 2-12 cm në zonat e larta malore. Sakaq, firmat e mirëmbajtjes kanë punuar gjatë natës për të mbajtur hapur të gjitha akset.