Tre ditët e Presidentit në promovimin e bukurive natyrore të Këlcyrës dhe Kolonjës
Presidenti Meta ka tre ditë në një tur në promovimin e bukurive të natyrës dhe traditave historike e patriotike në zonën e Këlcyrës dhe Kolonjës.
Me datë 30 prill Meta poston foton e mëposhtëme nga Këlcyra:
“Vjosa, lumi i fundit i egër në Europë, është një trashëgimi natyrore me rëndësi të jashtëzakonshme dhe potencial të madh turistik.
E duam Vjosën dhe duhet ta mbrojmë!
Nga Këlcyra ju uroj të gjithëve një mbrëmje të këndshme!”-shkroi Presidenti.
Më pas me datë 1 maj promovoi Shelegurin ku shkroi status: Nga Sheleguri, ky vend i mrekullueshëm midis Leskovikut dhe Ersekës!”.
Ndërsa sot Ilir Meta bëri sensibilizimin për ruajtjen e pishave me foton dhe shënimin: “Ndërsa lufta me virusin e padukshëm COVID-19 po përparon dhe do fitohet shumë shpejt, një betejë të gjatë e të vështirë kemi me një armik të dukshëm, procesionarien, që prej kohësh po helmon, degradon dhe po i shkatërron pishat tona të jashtëzakonshme, jo vetëm në Kolonjë e Qarkun e Korçës, por anë e mbanë vendit.
Në Kolonjën e njohur për traditat kulturore dhe patriotike, Presidenti ndaloi edhe te lapidari kushtuar luftës në Barmash. Me fotot ai ka postuar edhe statusin e mëposhtëm:
“Pas ndalesës në Barmash nuk mund të mos ndalosh në Borovën martire, atje ku dhjetëra të moshuar, gra, fëmijë e foshnja u masakruan barbarisht nga nazistët si hakmarrje ndaj sulmit partizan në Barmash. I përjetshëm kujtimi i martirëve të Borovës!”.
