3 efektivët e dëmtuar vizitohen në spital nga drejtori i Policisë së Tiranës, nisin hetime

3 efektivë u lënduan gjatë protestës së PD-së përballë Kryeministrisë. Drejtori i DVP Tiranë, Elton Alushi, dhe Zëvendësdrejtori i Rendit kanë vizituar të lënduarit në spital dhe kanë siguruar se ata do të marrin çdo ndihmë të nevojshme nga stafi mjekësor.

Incidenti ndodhi pasi demonstruesit hodhën lëndë piroteknike drejt policisë që ishte e vendosur për sigurinë para selisë së Kryeministrisë sipas njoftimit të policisë. Një efektive ka pësuar dëmtime në sy, ndërsa dy punonjës të tjerë janë lënduar në fytyrë dhe dorë. Ata janë transportuar menjëherë në spital për ndihmë mjekësore dhe aktualisht janë nën kujdesin e mjekëve.

Policia e Shtetit ka njoftuar se shërbimet e saj janë angazhuar për mbledhjen e provave dhe pamjeve filmike. Kjo me qëllim identifikimin dhe dënimin e autorëve që sulmuan punonjësit e policisë.