76 vota pro për zgjatjen e vlefshmërisë së kartave dhe pasaportave për votuesit nga jashtë

Kuvendi ka miratuar ditën e sotme me 76 vota pro një vendim që zgjat vlefshmërinë e kartave të identitetit dhe pasaportave të skaduara. Kjo vetëm për ata qytetarë që do të votojnë nga jashtë Shqipërisë në zgjedhjet e 11 majit. Ky vendim vjen si një përpjekje, i iniciuar nga opozita, për t’i dhënë mundësinë emigrantëve shqiptarë për të marrë pjesë në zgjedhjet e 11 majit. Deputeti i PD-së, Bujar Leskaj, bashkoi votën me socialistët në Kuvend, për ndërmarrjen e këtij vendimi.