Adriatik Lapaj reagon për Marrëveshjen Itali-Shqipëri për refugjatët afrikanë

Adriatik Lapaj, kreu i Lëvizjes “Shqipëria Bëhet”, ka postuar një status në facebook për Marrëveshjen e Ramës me Melonin për refugjatët afrikanë.

Ai shkruan: “Lidhur me nënshkrimin e marrëveshjes së bashkëpunimit mes qeverisë shqiptare me qeverinë italiane, për ngritjen në vendin tonë të dy qendrave të emigrantëve, ju lajmërojmë që Lëvizja ‘Shqipëria Bëhet’:

🗒️ditën e nesërme,

🗒️datë 08 Nëntor

⏰ora 10:00

do të ketë një deklaratë për media në zyrat qëndrore të lëvizjes, mbi mungesën e transparencës nga qeveria mbi marrëveshjen në fjalë, dhe hapat që lëvizja ‘Shqipëria Bëhet’ do të ndjekë në vijim mbi këtë proces.”- përfundon Lapaj.

Burime nga kjo lëvizje politike thonë se do të kërkojnë bashkëpunim dhe bashkërendim me të gjithë partitë dhe organizatat civile për datën e një proteste të madhe qytetare para kryeministrisë, siç ndodhi me armët kimike. Synimi mbetet që kjo marrëveshje të mos realizohet në saj të reagimit popullor.