Agron Gjekmarkaj: Nuk shkoj në mbledhjen e grupit parlamentar sepse nuk ulem në të njëjtën tryezë me Berishën

Deputeti i PD-së, Agron Gjekmarkaj, tregon arsyet pse nuk ka shkuar në mbledhjet e grupit parkamentar të Partisë demokratike.

Në një intervistë për TCH, Gjekmarkaj thotë se për sa kohë Sali Berisha do jetë pjesë e tryezës, ai s’do të shkojë në asnjë mbledhje grupi.

“Nuk kam shkuar në grup se e kam shumë të freskët ditën e 8 janarit që mund të ishte një ditë tragjike. Tani e shoh si një pushtim dhe uzurpim të PD. Nuk kam dashur që me prezencën time të legjitimoj këtë uzurpim. Unë nuk do të jem kurrë një deputet i Sali Berishës, do jem deputet i Lezhës dhe i PD në mënyrë që kjo parti të kthehet te vlerat perëndimore dhe miqësia me SHBA“, tha Gjekmarkaj.