”Air Albania” bie pre e sulmit kibernetik, mesazhi: Keni kohë deri me 14 shkurt për paratë!

Linja ajrore shqiptare “Air Albania” është sulmuar nga grupi i hakerave dhe shënimi i kërcënimit u postua në faqen e tyre më 30 janar.

Afati i fundit për pagesën e shpërblimit është deri më 14 shkurt. Emri i kompanisë u shfaq mes viktimave të tjera, duke përfshirë transmetuesin rajonal amerikan PBS KVIE dhe CPL Industries.

Shqipëria është përballur me një sërë sulmesh kibernetike në muajt e fundit për të cilat qeveria fajësoi aktorët e kërcënimit të sponsorizuar nga Irani.

Marrëdhënia midis dy kombeve ka qenë e tensionuar prej vitesh dhe është përkeqësuar vetëm pasi u shfaqën raportet se Shqipëria u ofron strehim anëtarëve të grupit opozitar, Muxhahedinët e Popullit të Iranit (MEK).

Eksperti i kriminalistikës Ervin Karamuço ka deklaruar se një grup hakerash kanë sulmuar faqen e kompanisë “Air Albania”.