20-vjeçari Xheku Logu, nuk arriti t’i mbijetonte plagëve të marra nga aksidenti i mëngjesit të sotëm në ”Rrugën e Kombit” dhe ka ndërruar jetë në spital. Kujtojmë se fillimisht i riu doli gjallë nga makina e cila kishte përfunduar 100 metra poshtë në greminë, por humbi jetën në spitalin e Traumës në Tiranë.
25-vjeçari Andi Rrusta nuk i mbijetoi përplasjes dhe humbi jetën në vend që kur ndodhi përplasja fatale. Shkak i aksidentit dyshohet të jetë pakujdesia dhe manovrimi i gabuar i automjetit.
Të rinjtë nga Tropoja po udhëtonin nga Tirana drejt Kukësit kur shoferi humbi kontrollin e makinës në ”Rrugën e Kombit”. Paçka thirrjeve dhe prezencës së Policisë së Shtetit në rrugë, fatkeqësisht të rinjtë po shuhen nga gabimet gjatë drejtimit të mjetit.
