Aktori Neritan Liçaj: Teatri nuk preket. Rama ia ngeci Veliajt përgjegjësinë ligjore

Aktori Neritan Liçaj, që është një nga kundërshtarët e ashpër të prishjes ë Teatrit Kombëtar, thotë se kalimi i pronës së Teatrit nën administrimin e Bashkës është një vjedhje.

“Rama nuk di të qeverisë, ai di vetëm të vjedhë dhe të shkatërrorjë gjithçka. Në kuptimin politik Teatri Kombëtar është varri i tij. Është beteja e tretë me të. Një herë kur ishte Ministër Kulture, një herë kur ishte kryetar i Bashkisë dhe tani kur është Kryeministër. Teatri nuk preket”, tha aktori për mediat.

“Ligjin e kanë bërë paçavure. Aty vëtëm për Teatër të ri nuk bëhet fjalë. Shqiptarët e kanë kuptuar se nuk duhet të bëhet një Teatër Kombëtar. Nëse do të bëhet ai aty do kishte vetëm një kotec dhe do të kishte vetëm kulla”,- shtoi aktori Liçaj.

Liçaj tha gjithashtu se Rama ia ngeci Veliajt. “Është një gjynahqar i bashkisë dhe një ilegjitim pasi është zgjedhur me 8 për qind të elektoratit. Ata janë në një lufte brenda llojit. Ai harron se teatrin e ka marrë në mbrojtje Europa Nostra dhe pas tyre është Bashkimi Europian. Ai nuk kupton këtë gjë se të gjithë këto i faturohen atij edhe ndërkombëtarisht. Përpiqet të bëjë show, por edhe këtë s’po di ta bëjë. Lufta jonë qe shumë e thjeshtë. Nga institucionet funksionoi vetëm Presdienti. Nuk u mor me këtë punë as prokurori, as Kontrolli i Lartë i Shtetit- theksoi Liçaj.

Sipas tij kryeministri ia la në derë kryebashkiakut Veliaj që të mos ketë përgjegjsi ligjore, nesër. Por nuk do ta lejojmë Veliajn, insistoi Neritan Liçaj.